Haxhiu: Fehmia, Xheva e Fatimja, do të mbeten përherë shembull i përjetshëm i luftës sonë çlirimtare

14:53 | 22 Shtator 2024
E.G

Ministrja e Drejtësisë, Albulena Haxhiu ka kujtuar Fehmi e Xhevë Lladrovcin si dhe Fatime Hetemi në 26-vjetorin e rënies së tyre.

Me anë të një postimi në Facebook, ajo tha se ato do të mbeten shembull i përjetshëm i luftës sonë çlirimtare, shkruan Arbresh.info.

“Me rastin e 26 vjetorit të rënies së heronjve të kombit Fehmi e Xhevë Krasniqi Lladrovci dhe Fatime Hetemi

Fehmia, Xheva e Fatimja, do të mbeten përherë shembull i përjetshëm i luftës sonë çlirimtare, që simbolizon forcën e një populli që nuk u përkul para padrejtësive.”, ka shkruar ajo.

“Me rënien e tyre, ata ndezën një flakë të pashuar në zemrat e grave dhe burrave, duke i frymëzuar ata të vazhdojnë rezistencën deri në fitoren e plotë të lirisë. I kujtojmë me nderim e krenari për guximin dhe sakrificën që e lartësoi luftën tonë për liri. “, shtoi Haxhiu.

“Lavdi e përjetshme dëshmorëve të lirisë!”, përfundoi ministrja Haxhiu./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm